Nestes días finais tivemos que despedirnos das nosas amigas e amigos de 5 anos: Adam, Isaac, Rebeca, Tiago e Zoe, que pasan para a seguinte etapa.
No noso corazón e nos recordos quedarán aqueles momentos que pasamos con elas e eles, e esperamos poder atesourar moitas vivencias máis no noso cole.
Despedímonos tamén de Zoe, desexámoslle moita sorte e alegría no seu novo cole!!!
Se pinchades na imaxe podedes ver un vídeo podedes coas experiencias vividas na nosa escola!!!!
As familias formades parte da nosa escola e xuntos facemos que a eduación das vosas fillas e fillos estea sempre en consonancia. Cando entre todas e todos construímos actividades que nos axudan a descubrir experiencias da vida, estamos achegando as nenas e nenos a un coñecemento que vai máis alá dos contidos e que levan implícita emocións e sensacións que se quedan no recordo.
Moitas gracias a todas e todos pola vosa implicación na escola e por facer posible este tipo de experiencias!!!😍😘
Se pinchades nesta imaxe podedes acceder á publicación feita no blog de cativadas do Irixo no que a profe Ana fixo un magnífico traballo sobre un museo que pescuda no pasado para que analicemos o presente.
Con motivo das Letras Galegas, lemos na aula o relato que Xela Arias escribiu cando só tiña 11 anos e co que gañou o seu primeiro premio do VI concurso de contos infantís O Facho de A Coruña: "A fraga dos paxaros faladores e a fraga Leopardicia".
A partir del debuxamos os nosos paxaros faladores, ao que lles puxemos voz con palabras en galego.
Mirade chula nos quedou a actividade!!!
Onte festexamos no cole o Día das Letras Galegas, dedicado este ano a Xela Arias.
Unhas das moitas actividades que realizamos para esta conmemoración foi a elaboración dun rap sobre a lingua galega. Durante días estivemos a traballar nel, a letra, a música, o ritmo e sentir, ensaio tras ensaio que eramos auténticas e auténticos estrelas do rap.
Chegou o día, estabamos preparadas e preparados, pero tamén un pouco nerviosas e nerviosos, e como as pequenas estrelas que somos saímos ao medio da pista e démolo todo, facendo sentir aos demais a nosa enerxía e luz.
Como mestra teño que dicir que ano tras ano, pasando por moitas escolas, as cativas e cativos me sorpenden e me enchen coa súa xenerosidade, pero despois destas letras galegas vos digo miñas alumnas e meus alumnos que non podo estar máis orgullosa, gracias por darme e ensinarme tantas cousas bonitas.
Falemos galego!!! Así se titula o noso rap, se pinchades na imaxe podedes acceder e desfrutar todas e todos vós do vídeo que nos editou a profe Ana, moitas gracias profe por axudarnos e achegarnos tanto!!!!
Desfrutade da actuación como o fixemos nós en directo!!!
O venres día 30 de abril, estivemos a mergullarnos na nosa tradición e costumes a través da actividade da creación dun maio e as diferentes copras que intepretadas, pola nenas e nenos do noso cole, acompañaron nun día cheo de ledicia e festa.
Durante toda a semana gracias a colaboración conxunta das familias, nenas e nenos, mestres e mestras, demos forma ao noso maio e gozamos de momentos e vivencias que de seguro que recordaremos co paso do tempo.
As tradicións tanto da zona como do resto da provincia e comunidade fai que as nenas e nenos recoñezan como seu e para elas e eles moitas das costumes e festas que durante anos nos acompañaron aos maiores, e que descubran o seu contorno, para poder sentir que forman parte del.
Se pinchades na primeira foto podedes acceder á publicación feita en Cativadas do Irixo, onde ataparedes un vídeo coas imaxes da elaboración do maio. Ao pinchar na segunda foto veredes as coplas que con tanto coidado e entusiasmo preparon as nenas e nenos, en colaboración coas mestras e mestres.
O venres 23 de Abril, con motivo do Día do Libro, participamos das actividades achegadas na nosa I Feira do Libro.
Ademais de facer o intercambio de vale por libro, tivemos a sorte de escoitar unha das historias de "Don Quijote" de Miguel de Cervantes e participar nun sorteo entre todas e todos os participantes da doazón de libros.
Moitas gracias a todas e todas por colaborar nesta primeira feira, que esperemos que se faga extensible por moitos anos máis.
Se pinchades nesta imaxe podedes acceder ao vídeo publicado en Cativadas do Irixo, onde aparece un resumo do que foi a xornada.
Con motivo do día do libro na nosa escola preparamos a "Primeira feira do libro".
Esta actividade parte da idea de que os libros deben viaxar a moitos lugares e ser lidos polo maior número de nenas e nenos, para que as súas historias cheguen e emocionen ao maior número de lectoras e lectores, dado que partimos do sentimento de que son algo vivo que se nutre da lectura e mirada atenta de todas e todos.
Por todo isto, cada unha e un de nós trouxemos un libro da nosa casa para trocar por outro, facendo que se movan dun lugar a outro.
A nosa feira do libro xa está en marcha!!!! E todo gracias as achegas de libros de todas e todos vós!!!!
Durante estes días non vos esquezades de pasar por ela e descubrir cal é o que vos gustaría levar como cambio para as vosas casas!!! 📖📖
O venres día 26 tivemos unha sorpresa. Un famoso coelliño escondeu ovos polo cole e trouxo un xogo para buscalos. 🐰🐰
Se picades na imaxe podedes acceder ao vídeo e ver que ben o pasamos!!!
Felices vacacións a todas e todos!!!
Hoxe é o día Mundial da Poesía. Na aula, en diferentes momentos e na hora de ler coa profe María José, estivemos todo o mes de marzo a ler e traballar coa poesía.
Un dos libros de poemas que estivemos a ler foi "O Libro dos Bicos" de Xosé Luna Sanmartín. Neste vídeo podedes ver un dos marabillosos poemas sobre os bicos que nos regala este autor na súa obra.
Feliz día da poesía a todas e todos!!!📖
O 8 de Marzo ademais de falar e homenaxear as nosas mamás, falando sobre os seus superpoderes, tampouco nos quixemos esquecer das outras mulleres que forman parte do noso día a día, as avoas.
Esta actividade fixémola en colaboración coas profes María José e Raquel. Moitas gracias profes!!!!😍😍
Se pinchades na seguinte imaxe podedes acceder ao vídeo publicado en Cativadas do Irixo.
Moitas gracias superavoas!!!! Polos vosos coidados, aloumiños e consellos!!! Sodes as nosas superheroínas!!!💗💜💗
O 8 de Marzo é o Día Internacional da Muller. Na nosa escola quixemos homenaxear nun día coma este a todas aquelas Mulleres que camiñan ao noso lado, son o noso apoio, guía e espello. Mulleres que nos dan calor cando o precisamos, nos consolan, animan e enchen os nosos días de ledicia e tenrura. Mulleres que sempre formarán parte da nosa vida e para nós son superpoderosas.
Esta é a nosa especial e sentida loubanza as mamás da nosa aula. Moitas gracias a todas!!!
Se pinchades na imaxe podedes acceder ao vídeo publicado en Cativadas do Irixo.
O pasado 24 de Febreiro celebramos o día de Rosalía de Castro. Estivemos a coñecer algúns datos da súa vida e poesía.
Se pinchades nesta imaxe podedes acceder ao vídeo coas actividades que realizamos na nosa aula e cole nese día.
O pasado venres celebramos no cole unha festa de Entroido. Pasámolo moi ben, bailamos e desfrutamos das amigas e os amigos!!!
Se pinchades na imaxe podedes ver un vídeo sobre o moito que nos gusta esta festa!!!
QUE VIVA O ENTROIDO!!!
O 11 de febreiro foi celebrouse o día da muller e a nena na ciencia. Ese día todas e todos nos convertemos en científicas e científicos, e aceptamos o reto da profe Ana. Fixemos un experimento: Neve artificial!!!⛄⛄
Moitas gracias profe Ana por achegarnos estas experiencias tan marabillosas!!! Estamos preparadas e preparados para un novo reto!!!
Se pinchades na seguinte imaxe podedes ver o vídeo do noso experimento publicado en Cativadas do Irixo.
Durante a semana de Entroido decoramos un antifaz a partir da actividade "Tira o dado e decora". Seguindo unhas indicacións, cada un de nós lanzou o seu dado, completando o antifaz con debuxos e diversos materiais . Estas son as imaxes da nosa actividade entroideira!!!
Chegou o venres e tiñamos que vir a escola disfrazados cun traxe espectacular!!!
O xoves seica había que traer algo divertido na cabeza!!!
Seguimos a coñecer mulleres importantes da ciencia e hoxe todas e todos fomos cosmonautas como Valentina Tereshkova!!!!🚀🚀🚀
Seguimos a desfrutar e festexar o Entroido. Hoxe a manda da meca dicía que tiñamos que traer á escola algo no pescozo.
Cal foi o mandiño de hoxe? Seica había que traer algo na cintura!!!
O venres 18 de xuño saímos cara o cine de Leiro, a ver as curtametraxes do noso festival. 😎😎 Fomos todas e todos as nenas e os nenos de ...
