Hoxe tivemos a gran sorte de ter con nós no colexio, compatindo coas nenas e nenos de 2º de Primaria e máis coa profe Ana e María José, a XOSÉ LUNA SANMARTÍN, autor de entre outros libros, un que a nós nos gustou moitísimo "O LIBROS DOS BICOS".
Pasamos a mañá na súa compañía recitando e inventando versos, bailando, degustando sabores, olores, bicos, apertas, vivencias... que traía desde a súa terra A Estrada.
Foron moitas as sorpresas que nos tiña preparadas Xosé Luna, unha delas foi que tivemos a grande sorte de escoitar vía telefónica a Manoele de Felisa que nos agasallou cunha das cantigas que aparece no seu libro- disco "A ESTRADA DA VIDA".
E por se fora pouco nos regalou un corazón para levar colgado, no que aparecía o noso nome e unha palabra en galego, xa que a el lle gusta coleccionar palabras, moitas das cales poden levarse preto do corazón.
Querido Xosé Luna, foi un pracer terte na noso cole, achegácheste amodiño, co arume a mar e amosándonos a estrada da vida, e queremos dicirche:
Dende o abrente ata o solpor,
apertas, Xosé, pereiriños e amor.
Esperamos verte de novo!!!💜💙💜💙
No hay comentarios:
Publicar un comentario